Google ke services hum log regularly use karte hai, hum chaahe ya naa chaahe, kisi na kisi tarike se wo hamare life ka hissa ban chuka hai.
Agar hume Internet pe kuch search karna hai, hum Google search engine kholte hai, koi email bhejna hai to Gmail open karte hai, yaha tak jo Android phone bhi use kar rahe wo bhi Google ka hi hai. Lekin aap sayad nahi jaante honge ki Google aapke personal data ko use karta hai apne profit ke liye, aapke personal details ko use karte hue aapko ads dikha ke wo paise kamata hai. Sidhe sabdo me wo apko bechke apne paise earn karta hai.
To aaj ham yhi apko batayenge ki kaise aaplog Google ko lagbhag apni life se remove kar sakte hai. Ye thoda hard to hai but apka personal data safe rahega.

1. Google Search

Google search

Google Search world me sabse jyada use kiya jaane wala search engine hai, ye website duniya me sabse jyada use kiya jata hai.
Ye apke use kiye jaane waale har search query ko store karta hai, aur apko targeted ads show karta hai. Is search engine se hatne ke liye apke paas bahut ache options hai, jaise ki ap chahe to is field ke other top players Bing aur Yahoo ko as your default search engine use kar sakte hai.
Lekin agar apko apni information ekdam safe aur private rakhna chahte hai to apke liye sabse best option hai DuckDuckGo.
DuckDuckGo privacy concerned search engine hai, ye apke kisi bhi data ko store ni karta aur iske resulte bilkul unbiased rehte hai.

2. Google Chrome Browser

Google chrome

Google chrome duniya ki sabse naami web browsers me se ek hai. Ye browser apke liye har platform ke devices me available hai. Google chrome ki khaasiyat ye hai ki, iski speed aur interface behad ache hai, lekin Google apko chrome ke through har jagah track karta hai, matlab ki aap kya website use karte hai, kya pasand karte hai etc.
Google chrome ko replace karna bahut aasan hai aur iska sabse acha alternative hai Mozilla Firefox, Firefox ki speed aur interface bhi bilkul chrome ki tarah hai aur saath hi aapko bilkul bhi dikkat ni feel hogi chrome se switch hone me. Firefox open-source aur privacy oriented hai jiska fayda aapko sidhe tor pe hoga.
Aap agar Mac user hai to aap safari ko bhi use kar sakte jo inbuilt MacOS ke saath ata hai.

3. Google Password Manager

dashlane

Google Password Manager, aap log is feature ke baare me jaante honge aur mera mananaa hai ki aap ise mostly use bhi karte honge, basically jab bhi ap browser me apne login credential daalte hai to Google ka ek prompt ata hai Save password, ye prompt aapke password ko save kar leta hai, jo ki aap puri tarah se Google se free hona chaahte hai to aapke liye best alternative bhi availble hai, aap password manager konsa apke liye suitable hai wo aap choose kar sakte hai. Jo password manager ham apko suggest karte hai wo hai LastPass aur Dashlane.
LastPass aur Dashlane ye password manager hai jo apke saare passwords ko save rakhte hai wo bhi encrypted form me taaki apko login karte samay password ko har baar na daalna pade.

4. Google Email Or Gmail

gmail

Gmail is used by most of population, logo ko gmail ke through free of cost email id mil jaati hai aur saath hi saath uske features. Lekin log ye ni samjhte ki Google unse payment ni as a price, privacy unki steal karta hai.
To agar aap log Gmail se switch hona chahte to apke paas alternatives hai, Outlook, Yahoo, Mail.com etc
Aap apni pasand se inhe choose kar sakte hai aur jo apko pasand aaye aap uspe stay kar sakte hai.

5. Google Maps

Google maps

Google Maps ye app apko most users ke paas mil jayga, agar Android user hai to ye preinstalled rehta hai, lekin sayd aap na jaante ho Google Maps aapke location ko save karke nearby advertisement sell karta hai, aur unki targeting itni achi hai ki aap fans bhi jayenge so you have also many alternatives, aap Waze Maps use kar sakte hai, lekin agar aap iPhone user hai to strictly attach to Apple Maps, ye apke privacy ke liye sabse acha rahega.

6. Google Drive

Google drive

Now, Google Drive, Drive is free for everyone, koi bhi jiske paas Google account hai usko Google 15GB Cloud space deta hai, jo ki bahut hi useful hai lekin fir wahi baat apki privacy wo steal karta hai.
So, aapko agar cloud space ki requirement hai to aap OneDrive ya Dropbox se attach ho sakte hai. Ye dono bhi aapko free of cost cloud space dete hai jisko user apne requirement ke hisab se upgrade bhi kar sakta hai.

Conclusion:

You can’t really remove Google from your life, aap chaahe na bhi to bhi kch services jaise ki YouTube aap use kar hi loge, Lekin fir bhi aapko apni private data us hadd tak jarur safe rakhna chahiye jaha tak aap kar sakte ho.
Isliye aap upar dye steps ko follow karke lagbhag GOOGLE-FREE ho jaiye.
And Thanx For Being with US :).